Godt nytt år!

 

 

Då har årets siste dag komt. Vi skal ete middag hos svigerforeldra mine. Seinare på kvelden blir det fest og moro i lag med venner. Kaka til i kveld står i ovnen og pakkane til pakkeleiken er pakka.

 

Ynskjer alle som brukar å titte innom Hobbykottet

godt nytt år!

Så blei det jul i år også!

På grunn av sjukdom av både det eine og det andre har det vore svært lite blogging i adventstida. Alt har blitt gjort på den enkle måten i år. Juletreet kjøpt på første plass, ikkje baka og julevasken blei ei runde med støvsugaren. No er treet oppe, gåvene pakka og alt i boks i år også.

 God jul!

2. Søndag i advent

To lys er tent, lykt på trappa, fyr i ovnen, gjærdeig på heving og snart får vi besøk.

Julegåver

 

Julgåve innpakking er ein kjekk og koseleg aktivitet som eg alltid har likt.

 

Eg fekk nokre kongle engler til overs på julemessa.

Desse festa eg på pakkane til nokre små søte barn.

 

Dei litt eldre får ein hekla snøkrystall som pynt.

Lilla band i ulike fargar.

 

God advent!

Adventskrans

 

I kveld har eg laga årets adventskrans.

 Eg blei inspirert frå eit juleblad eg kjøpte i haust.

 

 

Eg kjøpte ein ferdig halmkrans (litt for stor, men den einaste som var å oppdrive) i butikken.

Plukka med meg nokre lerkegreiner når eg var heime i helga.

Greinene blei surra fast med strenge. Treng ikkje å vere heilt tett - fint om halmkransen viser litt.

 

Kubbelysa festa eg ved å varme opp ein bit streng og stikke den inn i lyset.

Limte på nokre stjerner av bjørkenever og litt "bling" kjøpt på Indiska.

 

No er vi klare til

advent.

Julemesse

 

I helga har vi hatt den årlege julemessa i stabburet på Seth.

Det var salg av lefser, villsauskin og heimelaga julepynt m.m.

Mykje folk og god stemning i år også.

 

Her er standen min. Pepperkakestjerner, skoposer, engler, pynta sjokoladeesker og enkle dørkranser.

Kongleenglar

Enkle furukongler har blitt til søte kvite og glittrande englar.

Eg blei gjort oppmerksom på at eg hadde skreve pepperkakehjarte i innlegget på søndag. Det var sjølvsagt stjerner det skulle stå. Stjernen har blitt pakka i cellofan og er klare til å få nye eigarar i helgas julemesse på Seth!